hit counter script

ليبانون فايلز - متل ما هي متل ما هي - ليبانون فايلز

هضامة الشعب اللبناني... بالأرقام

الثلاثاء ٢٨ أيلول ٢٠٢١ - 00:01

  • x
  • ع
  • ع
  • ع
اخبار ليبانون فايلز متوفرة الآن مجاناً عبر خدمة واتساب...
اضغط هنا

إستمع للخبر


ما في أهضم من الشعب اللبناني، خصوصاً عندما يستخدم اللبنانيون الأرقام في جمل مختصرة تحمل معانٍ متنوعة، يعبرون من خلالها عن مواقف أو مشاعر عديدة ومختلفة المقاصد، والتي منها على سبيل المثال لا الحصر: 60 و 100 و 10 و 1000 و 7 و 2 ... إلخ.
- الرقم (60(: يستخدم فقط وحصرياً في الشتائم والتوبيخ دوناً عن باقي الأرقام.
مثلاً: (ابن الـ 60 صرماية).. (ابن الـ 60 كلب)... ما بيقولوا مثلاً ابن 50 كلب... ولا ابن 70 كلب... بل حصراً 60 كلب فقط لا غير.
كمان بيقولوا: 60 عمرك ما ترجع. انو 40 أو 70 ما بيمشي الحال.
- الرقم (100) فيستخدم للتسليمات.
مثلاً: (يا 100 أهلا وسهلا)... ما منقول يا 50 أهلا وسهلا... لأ... (100 السلامة) وأحياناً يستخدم رقم (100) للمبالغة:
(100 مرة قلنالك لا تعمل هيك)... هو بكون قايلك مرة ونص أو مرتين.
(100 مرة ناديتلك).. هي بتكون انجأ 3 مرات.
- الرقم (10) فيستخدم لوصف جودة الأشياء أو الأفعال.
(الشغل 10 على 10) أو (فتح عيونك 10 على 10) يعني انتبه.
- الرقم (1000) يستخدم تحديداً في التهنئة.
(1000 مبروك)... 100 مبروك ما بيمشي الحال... حصراً 1000.
(1000 الحمدلله عالسلامة).
- الرقم (7) لوصف ما هو ظاهرة غريبة جداً، أو للتعبير عن الحيرة الشديدة أو البحث المتواصل والمتعب عن شيء أو شخص ما، مثلاً:
(دخت الـ 7 دوخات لحد ما لقيت فلان أو هالغرض... إلخ).
كمان يستخدم الرقم (7) للتعبير عن النوم العميق.
(ما رح يرد عليك... شكلو ب "سابع" نومة)... انتبه... لو بـ "سادس" نومة كان قام عادي ورد... بس سابع نومة، مستحيل!
أخيراً الرقم (2):
وهو يعبر عن أطول مدة زمنية بالكون حسب التوقيت اللبناني، وهي (الساعتين)
(صرلو ساعتين بنفس القصة) هي بتكون 5 دقايق... بس الله بيطرح فيهن البركة...
(صرلي ساعتين ناطرك)... (صرلي ساعتين عم فهمك هالشغلة)... (هلكت، صرلي ساعتين واقف ع رجليي).
تأليف وإنتاج الشعب اللبناني.

  • شارك الخبر