ليبانون فايلز - أخبار محليّة أخبار محليّة
بستاني لأبو فاعور: ليش معمل سبلين بيتغذى 24 على 24 بطاقة بتكفي قضاء بكاملو؟
الخميس ١٤ كانون الثاني ٢٠٢١ - 19:22
ردت وزير الطاقة والمياه السابقة ندى بستاني على عضو "اللقاء الديمقراطي" النائب وائل أبو فاعور، وكتبت عبر حسابها على "تويتر" قائلة:
"اولاً، جاوبتك مبارح وقلتلّك وتحدّيتك تبرز لايحة بالاستثناءات يللي انعطيت للمستشفيات الحكومية وبأي مناطق ومين عطى هالاستثناءات.
تانياً، بالرغم من موقفنا المبدئي الرافض للإستثناءات وبسبب تركيزنا اليوم عمساعدة الناس لمكافحة وباء كورونا منطالب بتغذية ٢٤/٢٤ لكل المستشفيات الحكومية بكل المناطق متل راشيا بس كمان متل عاليه، الشوف، البوار، تنورين، البترون، زغرتا، طرابلس وغيرا والا منع الاستثناءات بكل لبنان.
تالتاً، بيكفي شعبويّة ولعب عوتر المناطقية وحقد عموقع رئاسة الجمهورية ومش بس عالرئيس عون. القصر الجمهوري مستثنى من عشرات السنين لأنو مقرّ رسمي وكمان القصر الحكومي ومجلس النواب، هودي ملك الناس بس يللي ما عم بفهموا ليش معمل سبلين بيتغذى ٢٤/٢٤ بطاقة بتكفي قضاء بكاملو".
أخبار ذات صلة
