ليبانون فايلز - فن وإعلام فن وإعلام
رسالة "قاسية" من يوسف حداد الى نجيب ميقاتي
الثلاثاء ٣ آب ٢٠٢١ - 10:28
وجه الممثل يوسف حداد عبر صفحته الخاصة على فيسبوك رسالة الى الرئيس المكلف نجيب ميقاتي قال فيها:
“يسعد هالضحكة دولتك
وحاسس معك انك مش قادر تروح ع مطعم
ومعك حق الوضع ما بيحمل وبدو انقاذ
بس
لشو المداورة
ولشو نفتح وكر دبابير خلينا بالافاعي
لشو نحاول نغير مش وقتا
لشو التدقيق الجنائي مش وقتو
لشو نعرف مين سرقنا ونهب ودايعنا
لشو نعرف مين فجرنا وقتل اهلنا ودمرنا
لشو نعرف مين هرّب اموال بعد ما نهبنا
لشو نطالب برفع الحصانات
لشو نطالب برفع السرية المصرفية
لشو نطالب بقضاء عادل مستقل وحر
لشو نحلم نحط حد للمافيا والاحتكار
لشو نحلم نسترد الوطن من اخطبوط الفساد المتحكم بكل شي
لشو نطالب بوزير مالية ما بيشبه رياض الحرامي الفاسد او ما يكون تلميذو
لشو نجيب وزير داخلية وطني ادمي مش تابع والاهم نزيه وفي عنا استحقاق رح ينصرف ويندفع رشاوي بالمليارات وكل دول العالم ناطرة لتغير (ديمقراطيا)بالصندوق الاسود الحرزان
معك حق دولتك لشو نسأل عن مصير النازحين وعن الغاز والدولار اللي طار والغلا الفاحش وعن مين اتدعى القاضي بيطار وشو بدهم اهالي الضحايا ومعن كل الفقرا الموجوعين والناس المذلولين بكل شي
عمرا ما تكون حكومة اذا وكر الدبابير بدو يتركلنا نفس اسم الوزير ويضل نفس النهج بالتسمية والتبعية والتمييع والتضيع والترقيع والتوليع والتوزيع والتشريع
بدنا نعرف مين فجرنا وسرقنا وحرقنا وقتل مستقبل اولادنا والا عمرا ما تكون عيشة
انزال تمشى بشوارع طرابلس ونقي وزرا من هودي الناس الاوادم الموجوعين العايشين كل الازمات وشوف كيف بتنجح وبيتلاقى حلول وبعد عنك الطامعين..
ويكونو من طايفة وحدة اسما لبنان…..
يوسف ش الحداد”.
أخبار ذات صلة
