ليبانون فايلز - فن وإعلام فن وإعلام
إصابة ريما عساف بكورونا: "بتصير الأصوات من حولك إلها معنى وزيادة"
الخميس ٢٥ آذار ٢٠٢١ - 21:52
أعلنت الاعلامية ريما عساف عن إصابتها بفيروس "كورونا"، وكتبت منشورا عبر حسابها على "فيسبوك" قالت فيه:
"انت ومصاب بكورونا ومحجور بغرفتك بتصير الأصوات من حولك إلها معنى وزيادة. صوت بنتك عم تعزف لحن عالبيانو ما كنت منتبه اديش حلو لأن مع الصوت كنت بالماضي تركز على قصص تانية، صوت الولاد وابوهم عم يتنادوا على طاولة الغدا، صوت الحياة بحرتقة صحونهم، صوت الابن من ورا الباب عم يقول لأمو ما تكذبي عليي ماما وتقوليلي انك منيحة اذا ما كنتي منيحة، صوت بنت الخي الزغيرة عالواتساب كل صبح عم تقول سلامتك عمتو، صوت زملا تعرفت علين من وقت قصير لما انتقلت على شغل جديد وصرت من صوتن تعرف انك تركت بقلبن مطرح كبير... صوت باب البيت لما يفتح وتحس بالأمان لأن الطبيب وحبيب القلب وشريك العمر صار بالبيت.
أصوات كنت بتعرفها بس يمكن ما كنت منتبه اديش هالتفاصيل حلوة وأديش بتعمل فرق بحياتك..."
أخبار ذات صلة
