hit counter script
Covid-19 icon

COVID-19

#خليك_بالبيت

1233

13

4

27

715

1214
Covid-19 icon

COVID-19

#خليك_بالبيت

1214

1233

13

4

27

715

باقلامهم - سمير سكاف

فوتو عالبيوت ولو سكايب...وشوفو!

الأربعاء ٢٥ آذار ٢٠٢٠ - 12:11

  • x
  • ع
  • ع
  • ع

مش كل الناس عندها مدخول. ومش كل الناس عندها مونه. ومش كل الناس معها حق ربطة خبز! مش كل الناس عندها "لوكس" القعده بالبيت. ولا قادره تعطل يوم واحد لانو بدها تطعم ولادها. ولا فيها تنطر حتى يكونو ظبطو وراق وزارة الشؤون الاجتماعية. الناس عم تصرخ جوات بيوتا. وبدها الإعلام يجي يصور عيشتها المزرية.

مش كل الناس فيها تشتري سبيرتو ومعقمات وكمامات وكفوف. خاصة بعد ما "تربل" حقن بالسوق. والحكومة ما عم تعمل شي حتى تخفض بشكل عاجل جدا اسعارن حتى الناس تتوقى. بفضل تقصير الحكومة الناس ما رح فيها تتوقى!

التبرعات منيحة. بس ما بتكفي. بوقت ولا واحد من يللي استفادو كتير من الدولة وساهم بتفقير الناس (حتى ضل مهذب) تبرع بمية مليون دولار وطلوع!

بركي الحكومي بتعمل شي فعال وبتوقف تتسلى بحياة الناس. وبتوزع شوال طحين على كل بيت محتاج كبداية، مع كم قنينة سبيرتو ولوازم الوقاية. بركي بتلغي الزامية تشريج خطوط التشريج تبع الفقرا وبتنزل كلفة الإنترنت للربع حتى تضل فيها الناس تتواصل وتضل ببيوتا... هيك بين الذل وبين الموت بيكون زهق الخوف بقلوب الأمهات وبتتأجل دموعها شوي.

  • شارك الخبر