hit counter script
Covid-19 icon

COVID-19

#خليك_بالبيت

576

27

29

19

62

1214
Covid-19 icon

COVID-19

#خليك_بالبيت

1214

576

27

29

19

62

أخبار محليّة

نداء من القلب من ممرضة في مستشفى الحريري: منترجّاكن!

الأربعاء ٢٥ آذار ٢٠٢٠ - 17:29

  • x
  • ع
  • ع
  • ع

قبل أن يصبح عدد الإصابات بالكورنا ال 304 حالة مؤكدة، وجهت الممرضة في مستشفى رفيق الحريري الحكومي ناديا السبعلي نداء من القلب وهذا ما جاء فيه:

اليوم صار عنا 248 حالات كورونا مؤكّدة
أناممرّضة و رح خبّركن شو يعني تصير حالتك حرجة من ورا فشل بالجهاز التنفّسي بسبب كورونا
- بتفوت عالعناية عم تختنق ولونك مزرق وحرارتك مليار و حالتك حالة
- بتنخلع tube من تمك لنص زلعومك، واصل لنص قصبة الهواء. يمكن يرحلك كم سن وضرس بهل حركة يلي مدتها ٥ ثواني. Welcome to the ICU.
- بتتخدر شوي وبتنحط على جهاز التنفس، يلي بيصير يتنفس عنك وانت ٩٠%واعي انو مش انت عم تتنفس، وما قادر لا تحكي، ولا تتحرك.
- كل شي ساعتين، بيسحبولك البلغم يلي معبّا بالtube وبرواياك. بهل ساعتين، خرخر انت وبلغماتك لان عنّا متلك و حالتن اصعب.
- حضر حالك لتتشكشك ابر مصل بالايدتين، وعالاغلب بالرقبة كمان. الشكات لازم تتغير كل ٤ ايام حسب بروتوكول المستشفى. هيدا غير الشكّات المتفرقة (الفحص اليومي والABGs وتوابعهم).
- انت معزول. تماما.شغلنا عندك محسوب عالتكّة. الحكيم(ة) بيقطع/بتقطع مرتين باليوم. اذا قطع(ت) اكتر، اعرف انو حالتك مش ولا بد.
- الtube مش لازم ينترك لايام عديدة لأن هيدا مؤذ إلك. الحل انو ينعملك tracheostomy. يعني شق خارجي للرقبة ومد الtube من الخارج. مش منظر ولا احساس صراحة.
- انت فتت مع كورونا، بس رح ترحب فيك هون جراثيم العناية. هول معلمين بيخلوك تقول يا محلاك يا كورونا. وما ادراك بالresistant to all.
- لنفترض انك صحّيت من العدوى، وتنفسك صار احسن، وشالولك الtubes، حان وقت علاج عوارض الكبد والكلى والقلب الخ... بالعناية الفايقة، كلو بينضرب.
هيدا كلو اذا ظبطت معك ولقيت محل بالعناية.
الخلاصة يا جماعة:
-الكورونا مش مزحة
-خلّيكن بالبيت ا
-غسل ايديك بالصابون منييييح
-طهر ايديك
-اذا مشوار مش ضروري (يعني طارئ!!!)، ستين عمره ما يكون!
-الله لا يدوّق حدا قعدة عناية!

  • شارك الخبر