ليبانون فايلز - فن وإعلام فن وإعلام
ولعت بين ديما صادق ونادين نجيم... والأخيرة: "إنتِ معودة عالمسبات"
الأربعاء ٢٢ شباط ٢٠٢٣ - 18:22
إستمع للخبر
تعرّضت الممثلة اللبنانية نادين نسيب نجيم لهجوم لاسع على مواقع التواصل الإجتماعي بعد وصفها أحد المتابعين بـ"الزبّال".
هذا الرّد لم تتحمله الإعلامية ديما صادق التي ردّت على نجيم بالقول: "ولو؟؟؟؟ ولو؟! ممثلة لبنانية بستعمل مهنة "الزبال" كشتيمة؟! شيء مخزي جداً انه يكون مستوى الوعي والانسانية والشعور والثقافة متدني لهذه الدرجة عند اشخاص بأثروا بملايين المعجبين. طبعا من المسلمات انه ما في شي مهين باي مهنة، المهين للجنس البشري انه يكون في ناس يفكرو بهل طريقة".
من جهتها لم تستطع نجيم تقبّل ما قالته صادق، فلجأت إلى ردّ أعنف أشارت خلاله إلى أن صادق "معوّدة على الشتايم والمسبات".
يذكر أن هذا الهجوم تعرّضت له نجيم بعدما نشرت تغريدة على موقع "تويتر"، عبرّت فيه عن خوفها من الزلازل، وردّ عليها أحد المتابعين سائلاً: "شو عم تاكلي بالليل قبل ما تنامي؟".
حبيبتي ديما انت معودة على المسبات و الشتايم بتحسّي حالك عندك قيمة انا ما معودة راسي ما بيحملني هيك اتربيت خاصة اذا حدا اتطاول عليي بشكل كتير بشع . والزبّال هو يلي بكب وسخه وين ما كان و نفسيته وسخة . يلي بنظف ما اسمه زبال و ما بعيطله زبال لانه بكون عم بجرحه هيك علموني بالمدرسة. https://t.co/1tnJIIOGba
— Nadine Nassib Njeim (@nadinenjeim) February 22, 2023