عارضة أزياء تسأل خبير: وين بترشح... بدي اطلع نايبة!

16-10-2017

اتصلت عارضة أزياء من الحسناوات بخبير في الانتخابات، وطلبت منه رأياً فيما يتعلق بترشحها عن إحدى الدوائر، وسالت ضاحكة، "وين بدي أترشح"؟ فكان الحوار التالي:
الخبير: وين بدك تترشحي، انتي بدك تقرري
العارضة: ها ها ها، ما بعرف
الخبير: من وين حضرتك
العارضة: أنا من (منطقة لبنانية كذا...)
الخبير: فكرة منيحة، بس ليه بدك تترشحي
العارضة: لأني مش خرج، انا إذا بترشح الكل بصوتلي، وبشطبو غيري ليحطوني، بدي اطلع نايبة
الخبير: بالقانون الجديد، ما حدا بشطب حدا، كل واحد الو حق يفضل حدا، وبس
العارضة: هاهاها، شو هالخبرية، ايه يفضلوني الي
العارضة: ما انا الكل بيفضلوني
الخبير: ولازم تكوني من ضمن لائحة
العارضة: انا بدي اترشح وحدي
الخبير: ما فيكي بدك تنضمي للائحة
العارضة: هاهاها، انا حرة بدي اترشح وحدي
الخبير: لا ما فيكي، لازم تكوني ضمن لائحة، اول شي بتترشحي وحدك بعدين لازم تنضمي للائحة
العارضة: يبلطو البحر، انا بدي اترشح وحدي
الخبير: مدام، لازم تترشحي ضمن لائحة أو ما بيكون الترشيح نافذ
العارضة: هاهاهاها اول شي قلي وين بدي اترشح
الخبير: مدام، الترشح بيكون بحسب المنطقة
العارضة: انا عندي شعبية عند الرجال، بكل لبنان وين ما بدي اترشح
الخبير: اتصلي فيي غير مرة لاشرحلك اكثر
العارضة: استاذ (هاهاهاها) انا رح اترشح واطلع... (هاهاهاها)
واقفل الخط... على امل النجاح والتوفيق!