أخبار محليّة
بطاقة معايدة من مجدلاني إلى الرئيس الشهيد الحريري في ذكرى ميلاده
الجمعة ١٥ تشرين الأول ٢٠١٤ - 13:04
وجه النائب عاطف مجدلاني بطاقة معايدة إلى الرئيس الشهيد رفيق الحريري في ذكرى ميلاده وقال: "إلك ابو بهاء بطاقة معايدة بعيد ميلادك. ذكرى اول نفس إلك بالهدني ، ما بتنسينا مثل ذكرى نفسك الاخير. انت معنا بالروح، بالفكر، والالتزام بنهجك، ويا ريت بعدك بالجسد. ونحنا عم نطفي شمعات سنينك اللي عم بتزيد سني بعد سني وكأنك بعدك هون، وانت هون، مع كل طلعة شمس منتذكرك. ومنتذكرك بها الايام الصعبي اللي عم يمرق فيها لبنان والمنطقة.منتذكرك لانو مشروع التطرف بلش باغتيال الاعتدال اللي كنت سفيرو ورمزو. منتذكرك لانو ايادي الشر السودا بعدا عم تتلاعب بمصير هالوطن. منتذكرك واصحاب المشاريع المستوردة بعدا هي هي ارادتها رهم البرا، ولبنان مسرح مخططاتها. منتذكرك وانت المدافع الاول عن الطائف والكيان اللبناني ودستورو وهويتو ولبناننا بلا رئيس لأنو الأنانية عم تتحكم بالبعض. والبعض الآخر بدو يغير الطائف. منتذكرك لانو مدرستك ونهجك بأيادي امينة وبعدا هي هي: الاعتدال بوج التطرف، دعم المؤسسات بوج اللي عم يحاول يفتتها. دعم الجيش بوج كل المؤامرات ضدو".
وختم:"أبو بهاء، لانو الموت ما بيلبقلك عم نعيش ذكرى ميلادك. وردة ع عرشك بحملها كل الشوق، والحب والوفا. وكل سني وانت عايش فينا".
أخبار ذات صلة
