2018 | 07:34 شباط 19 الإثنين
تغييرات طفيفة في لائحتي الثنائي الشيعي.. واللوائح المشتركة تنتظر | لبنان أنجز ملفاً مُدعّماً بالوثائق والخرائط لعرضه في اجتماع اللجنة الثلاثيّة | حركة المرور كثيفة من الضبية وصولا الى نهر الموت وعلى الطريق البحرية انطلياس باتجاه بيروت ومن ساحة انطلياس باتجاه الاوتوستراد الساحلي |

شهامة "مش بوقتها"

رأي - الاثنين 21 كانون الثاني 2013 - 07:30 - اسكندر خشاشو

الشهامة شيمة كبرى يتغنّى بها العرب منذ وجدوا ويفاخرون بأنهم "أربابها" بين شعوب الدنيا، لكن على الرغم من أهمية تحلّي المرء بهذه الفضيلة إلا أنّ المغالاة بها أحياناً تقود إلى مواقف مزعجة ومحرجة...
في ما يلي بعض المواقف التي قد تصادفنا يوميًا وتكون الشهامة فيها ببساطة "مش مناسبة"...

(بالعاميّة)
"مش مناسبة" تكون مأخر على شغلك وبدّك "دقيقة من غيمة"، بيطلع قدّامك سائق "شهم" يقرر يمرّق كل الناس ويضلّ واقف بمحلو أكتر من ربع ساعة بس لأنو "شهم".
"مش مناسبة" يكون عندك رفيق "شهم" يدقلك مرّة وما تقدر تردّ عليه فينشغل بالو عليك ويقرر "يفلقك" تلفونات تيطّمّن لدرجة بخليك تكفر بشي إسمو تلفون.
"مش مناسبة" يكون عندك جار "شهم" يوم لي بتقرر تاخد نهار فرصة تترتاح شوي ييكسّر جرس البيت والباب حتى ما تكون "غاطس بالنومة" وتتأخر على شغلك.
"مش مناسبة" يكون عندك زميل "شهم" بيقرّر يريّحك ويشتغل شغلو وشغلك كمان حتى يريحوك من شغلك من أصلو.
"مش مناسبة" إنو يكون معك جليس "شهم" يجبرك تأكل غصبًا عنك كل الأكل لي قدامك لأنو في ناس بالصومال عم بيموتو من الجوع.
"مش مناسبة" يكون عندك جابي شهم بيقرّر يريّحك من دفع الفواتير على كذا شهر ويجبلك هنّي دفعة وحدة بفرد مرّة وما تقدر تدفعن.
"مش مناسبة" وين ما تروح يطلعلك دركي "شهم" وملتزم كيف ما تبرم يطلعلك ضبط بوجّك يجبرك تحوّل معاشك آخر الشهر لقوى الامن.
وبالآخر "مش مناسبة" إنك تكون بوضع حميم بشي محلّ ويطلعلك مواطن "شهم" يشرشحك لعدم التزامك بالاخلاق.