- داني حداد
ما تشارع...
الثلاثاء ١٥ آب ٢٠١٢ - 07:42
يتسنّى لي، حين أجلس بين حينٍ وآخر في أحد مقاهي الأرصفة، أن أمارس هواية التأمل في المارة، متجاهلاً المثل الشهير القائل: "من راقب الناس مات همّاً". وممّا لاحظته في مشاهداتي أنّ العصبيّة تظهر بوضوح على وجوه الكثير من اللبنانيّين، فتراهم يتشاجرون مع من يجاورهم أو، حتى، يتكلّمون مع أنفسهم بعصبيّة ظاهرة.
لذا، رأيت من واجبي أن أسدي بعض النصائح الى القرّاء كي يتجنّبوا المشاجرة في بعض الحالات ومع بعض الأشخاص، إمّا تجنّباً لما لن تحمد عقباه، وإمّا لأنّهم بهذا الشجار لن يصلوا الى نتيجة. و، تعميماً للفائدة، اخترت أن أورد نصائحي بالعاميّة.
ما تشارع واحد ببلّش جملو بـ "أنا مش طائفي بس...".
ما تشارع واحد عم بيسوق موتوسيكل وإنتَ راكب ورا.
ما تشارع واحد بيحمل أكتر من بطاقة حزبيّة بذات الوقت.
ما تشارع واحد كان يساري وصار يميني ع رأسمالي.
ما تشارع واحد ما بيعرف من جبران خليل جبران إلا إنّو قال "أولادكم ليسوا لكم".
ما تشارع واحد بيقول إنّو لبنان أجمل بلد بالعالم مع إنّو مش شايف غيرو.
ما تشارع واحد هوّي وعم يقطع طريق ويحرق دواليب.
ما تشارع شرطي درّاج إذا بطاريّة تلفونك خالصة ومش قادر تدقّ لحدا.
أخبار ذات صلة
