شريط الأحداث
رسالةٌ إليه...
الأربعاء ١٥ كانون الأول ٢٠١٠ - 07:19
(رسالة خاصة، صريحة، لا تحتاج الى بريد، أكتبها بالعاميّة).
قبل كم يوم من عيد ميلادك، في كلمتين حابب إحكِيُن معك.
قبل كم يوم من عيد ميلادك، الزينة ملّت كلّ الشوارع.
إضاءة، آرمات من كلّ الأشكال والألوان... دعايات من كلّ الأشكال والألوان... عجقة.
إنتَ عارف إنّو عيد ميلادك صار يعملولو حساب بالدورة الاقتصاديّة.
إنتَ عارف إنّو عيد ميلادك صار بيخصصولو ميزانيّات.
إنتَ عارف كم بطاقة معايدة بيبعتو عا عيدك. وقدّي أشغال، "بزنس" يعني، ماشية من ورا هالبطاقات.
عم بسأل إذا كنت عارف مع إنّو قاري إنّو ما في شعرا بتوقع من روسنا إلا ما بتعرف فيا.
معقول بتعرف كل هالشي وبعدك ساكت؟
قبل كم يوم من عيد ميلادك، في أهل قاعدين يفبركو قصص لأولادن عن "بابا نويل" يللي مش قادر يجي هالسنة. قال سيّارتو معطّلة، وقال علق بالتلج. وقال لأنكن مش عم تسمعو الكلمة...
حرام الأولاد... حرام هالأولاد.
قبل كم يوم من عيد ميلادك، عم ببيعوك تمثال زغير، اشقراني، نايم ومفتّح عيونك. وأوقات عم بيبيعوك إنتَ والمغارة كلّا. مغارة بيت لحم عم بيبيعوها متل ما هيّي.
لازم تعرف كل هالإشيا. مش بس لازم تعرف، لازم تعمل شي. لازم تغيّر.
نحنا تعبنا. نحنا قرفنا. نحنا فونسو عيونّا من زينة عيدك.
حاطين عيونّا بعيونك. ناطرين. بدنا ياك تغيّر.
وإذا نويت، عجّل، بعد في كم يوم، قبل عيد ميلادك...
قبل كم يوم من عيد ميلادك، في كلمتين حابب إحكِيُن معك.
قبل كم يوم من عيد ميلادك، الزينة ملّت كلّ الشوارع.
إضاءة، آرمات من كلّ الأشكال والألوان... دعايات من كلّ الأشكال والألوان... عجقة.
إنتَ عارف إنّو عيد ميلادك صار يعملولو حساب بالدورة الاقتصاديّة.
إنتَ عارف إنّو عيد ميلادك صار بيخصصولو ميزانيّات.
إنتَ عارف كم بطاقة معايدة بيبعتو عا عيدك. وقدّي أشغال، "بزنس" يعني، ماشية من ورا هالبطاقات.
عم بسأل إذا كنت عارف مع إنّو قاري إنّو ما في شعرا بتوقع من روسنا إلا ما بتعرف فيا.
معقول بتعرف كل هالشي وبعدك ساكت؟
قبل كم يوم من عيد ميلادك، في أهل قاعدين يفبركو قصص لأولادن عن "بابا نويل" يللي مش قادر يجي هالسنة. قال سيّارتو معطّلة، وقال علق بالتلج. وقال لأنكن مش عم تسمعو الكلمة...
حرام الأولاد... حرام هالأولاد.
قبل كم يوم من عيد ميلادك، عم ببيعوك تمثال زغير، اشقراني، نايم ومفتّح عيونك. وأوقات عم بيبيعوك إنتَ والمغارة كلّا. مغارة بيت لحم عم بيبيعوها متل ما هيّي.
لازم تعرف كل هالإشيا. مش بس لازم تعرف، لازم تعمل شي. لازم تغيّر.
نحنا تعبنا. نحنا قرفنا. نحنا فونسو عيونّا من زينة عيدك.
حاطين عيونّا بعيونك. ناطرين. بدنا ياك تغيّر.
وإذا نويت، عجّل، بعد في كم يوم، قبل عيد ميلادك...