شريط الأحداث
ممنوعات...
الإثنين ١٥ تشرين الثاني ٢٠١٠ - 07:50
جرت العادة أن يضع الحاكم، في أيّ زمانٍ ومكان، لائحة ممنوعات قد تطول أو تقلّ وفق الحاكم والمحكومين. شخصيّاً، لو منحت فرصة أن أحكم، في أيّ زمانٍ ومكان، لوضعت لائحة ممنوعات على طريقتي أورد أمثلةً منها في هذه السطور، بالعاميّة:ممنوع تقول أنا متعصّب مسيحيّاً أو إسلاميّاً، لأنّو الدِين عكس التعصّب.ممنوع تشتغل ببلاش لواحد قاطع الليرات.ممنوع تكون مهضوم لدرجة تصير حقوقك مهضومة.ممنوع تقول، أو حتى تفكّر، إنّو فيك تغيّر العالم إذا مش قادر تغيّر بنطلونك المهتري.ممنوع تقول بحبّ هالسياسي شو ما حكي، لأنّو بيصير يحكي شو ما كان.ممنوع تدرس أكتر من اختصاص لأنّو أكيد واحد منّن مش من إختصاصك.ممنوع تقول أنا تقدّمي ويعيطولك "يا بك" أو "يا شيخ"...ممنوع إذا بنت لابسة قصير تشدّ بالتنورة نزول.ممنوع تكون ما بتوثق بِشي إلا بالقضاء.ممنوع تقول لبنان أحلى بلد بالعالم إذا كنت مش شايف غيرو.ممنوع تحكي بإسم الدين إذا كنت ناوي تقبض بإسمو.ممنوع تحطّ لائحة ممنوعات لأنّو بتكون عم بتضارب عالدولة.
أخبار ذات صلة
السعودية تناور: ابتعاد عن فرنجية وانفتاح على…
ليس تفصيلاً أن الوعكة الصحية «العابرة» التي ألمّت بالسفير السعودي وليد …
