خاص - ليبانون فايلز
مغامرات ثريا مونتغرو العاطفية... من تحت الدلفة لتحت المزراب
الخميس ١٥ نيسان ٢٠١٨ - 06:08
الجزء 1
نانديتو،
بتعرف وقتا بطجّ هيدك الطجة ع خلقتك وبتفوت بالحيط بسرعة مليون؟ إيه هيدا أحدث مغامراتي مع حشيشة قلبي! هو حشيشة مع شوية جنون على إدمان! عجبني إنه كول وآخد الدني ع رواق بس طلعت اخرته مطفي لالله ومش واعي ع شي! والأحلى، قال إنه كتير حساس أتاري الحساسية وراها سيجارة!
وبيجيك الشاب اللبناني – الكندي، يلي كتير هو مش إنته Lebanon وخبار اللبنانيي وبيطلع أكيل.. إحم! بيضهر اول دايت تعبان كتير ع حالو لابس قميص عالكتها البقرة والاحلى بس يجي حساب الـdrink بقلك "عليك بايب بس 12 الف!" كتر ألف خير الشهامة والكولنة! وبس يقرر يتجوز بنت الجنسية الكندية يلي ببلاد الهجرة والاغتراب بقترح عليك let’s be friends with benefits إنه شو فييا! يا حبيبي، إذا إنت مش عارف الله وين حاطك وتارك نفسك فلتانة ع كل شيء إسمه مرأة، أنا ثريا مونتغرو وفهمك كفاية!
آه إيه في الرجال الأرمل يلي عايش ببلاد الغربة وقرر يجي ع لبنان يلاقي العروس التانية! بيجي كله حماس كأنه شارب red bull وvitamine C وبيغرقها للمعترة هدايا وخبار وخطط للسفر وفجأة بليلة بكون القمر مكتمل فيها، بعتقد مفكر حاله مستذئب او شي، ببلش يتحجج ما في يشوفها! شي امه مرضت، شي الخادمة بالبيت هربت وكسرت كل شيء، شي نيزك وقع عليهن بس الحمدالله هو منيح! يا قلب قلبي، إذ أنت IQ تبعك دجاجة، احترمي ذكايي شوي وحلّ!
انديتو، رح وقف هلق هون بس انطرني.. الحديث والفضايح ما خلصو!
أخبار ذات صلة
