hit counter script

أخبار محليّة

الحاج: نحن اللائحة الاولى في المتن لأننا فريق متكامل معني بامور المتنيين

الإثنين ١٥ آذار ٢٠١٨ - 19:05

  • Aa
  • ع
  • ع
  • ع

اعلن المرشح عن المقعد الماروني في دائرة المتن رئيس حركة المستقلون رازي الحاج أنه "وفي ظل غياب النمو الاقتصادي، نطمح لدعم المؤسسات المتوسطة والصغيرة، كما لإحياء الطبقة الوسطى، التي تشكل عنوانا لازدهار لبنان"، لافتا الى ان "لائحة المتن قلب لبنان، نسجت من مجتمع المتن بكل تنوعه، وتجسد طموحاته بأشخاص عاديين، تنتظرهم مسيرة استثنائية بالتغيير الفعلي المبني على علم وعمل وتواريخ محددة للتنفيذ".

الحاج وخلال اعلان لائحة القوات اللبنانية والمستقلين في دائرة المتن تحت عنوان "المتن قلب لبنان" بحضور وزير الاعلام ملحم الرياشي ممثلا رئيس حزب القوات اللبنانية قال: على دروبِ المتن منلتقي من جديد، من جبل صنين يلي اعتاد صمود الابطال، من ابناء بسكنتا والشاوية، عين القبو، المشرع، وادي الكرم، كفرعقاب، كفرتيه، وزبوغا يلي سوا ومن خمسين سنة خاضوا مع وديع الحاج معركة الدفاع عن ألارض والانسان، عن الهوية والكيان، عن التعديية والحرية، تحية الى جميع ابناء المتن الشرفاء.

وحتى ما يظن حدا أنه ممكن ينال من كرامة المتنيين، جئنا اليوم نقف وراءكم صفاً واحداً، جئنا اليوم لنلتمس من شهدائنا لحظات بذل الذات وبطليعتهم الرئيس البشير وجبران تويني وبيار الجميل وجورج حاوي، ونستذكر ضمير البير مخيبر واستقامة نسيب لحود وادمية اغوست باخوس وانسانية وديع الحاج، جينا نأكد انو المتن منبع القداسة مع رفقا من حملايا ومنبع البطراكة مع بطركنا مار بشارة بطرس الراعي.
واضاف الحاج: جينا اليوم تنرجع المتن يشبه فلسفة مخائيل النعيمة، وثقافة أمين الريحاني ودبلوماسية يوسف السودا ووطنية نعوم لبكي... المتن الحضارة والعراقة والتاريخ والاصالة ... المتن قلب لبنان ! جينا لنعلن عن موقف لا عن رأي، ندافع عن مبدأ لا ان نحتمي بظرف، كل شي بينتظر منا موقف. مفاهيمنا ومماراستنا، دولتنا ومجتمعنا، سياستنا وإقتصادنا.
جئنا لنوضع حد للنزف البشري الحاصل بدأًً بتقلص حجم العائلة المسيحية وصولا للهجرة القاتلة لهيك نحن عم نطمح لاقتصاد منتج مش ريعي لانو في ترابط بين المرتكزات الاقتصادية المستدامة والوجود المسيحي الحر والفاعل!

ولفت الى انه" أكيد ما في نمو لما اقتصادنا الحالي بينتج 4000 فرصة عمل ومن خرّج 32000 ألف طالب بالسنة ؟ لهيك منطمح لدعم مؤسسات المتوسطة والصغيرة من خلال حاضنات الاعمال تنساعد الشباب والصبايا يأسسو شركاتن ومصانعهن بدون رسم تسجيل ويكونوا معفيين من الضرائب، لهيك بدنا ننزل عالمجلس بمشاريع قوانين مش بنيات طيبة.
لانو الانجازات ما بتحقق بسياسة النق.
باختصار منطمح لاحياء الطبقة الوسطى يلي هي عنوان لازدهار لبنان!
نحن لايحة ما بتشبهكن. نحن لايحة منكن ! نحن لايحة انسجت من مجتمع المتن بكل تنوعه بتجسد طموحاته باشخاص عاديين ناطرتن مسيرة استثنائية بالتغيير الفعلي المبني على علم وعمل وارقام وتواريخ محدده للتنفيذ ". 

وسأل: "بتعرفوا ليش نحن اول لايحة عم تنعلن بالمتن؟ لانو نحن فريق عمل وجدو نفسه معني ومشارك ومسؤول ،غيرنا عم بفتش يتحالف مع حالات اصطناعية ما بتشيه نضالنا ولا نضالن لهيك لازم ندقق بمنح اصواتنا للمرشحين يلي ارتوت جذورن من من رحم المقاومة المسيحي لمن خلي يلي ما قدر يقبعنا من لبنان بالحرب يكون عم يحاول يحرجنا ليخرجنا بايام السلم!
المتن عم يتتضر، القضاء الوحيد يلي بيسكن فيه ربع سكان لبنان وبالمقابل ما بيحصل على ربع حقوقو .
لانو بيدفع 27 بالمئة من مجمل ايرادات الدولة وما بينصرف فيه الا 4 بالمئة،
لانو المتن القضاء الوحيد لي ما في شط،
لي ما في محمية طبيعية وحدة ،
لما فيه مداخل بتليق بولاده وسكانه،
القضاء لمدرسي رسميي من مدارسوا حد المقابر،
يلي فيه مستشفى حكومي واحد من ساحلو لجردو،
يلي الزراعة في عم تختفي،
والصناعة في غير منظمة،
الاقتظاظ السكاني رح يخنق ساحل المتن فوق منون نازحيين.
137 مكب وهمي ....

شو عملتوا بالمتن ؟ شو عملتوا للمتن؟ طريق انطلياس بكفيا بسكنتا بتخوف، طريق المتن السريع كواع بالمقلوب ؟ بكمل ؟
بس نحن ما تفرجنا، ومن خارج السلطة جربنا وانجازاتنا واقع مش تمنيات والنموذج لقدمناه بجرد المتن بمراكز الرعاية الصحية والاسعاف بدنا نعممه بكل المتن وبلشنا من ثلاث سنين ببطاقة صحية استشفائية لكل المتنيين بتحفظلن مش بس حقهن بالاستشفاء بل ايضا بتحفظ كرامتهن!

واكد ان دربنا معبدة بالاشواك وسط غابة من الدياب الكاسرة حاكمتنا بنظام زبائني فاسد، بيستغلو حاجات الناس لتطويعهم، بيعززوا فيهم الغرائز وبيزرعوا فيهم الخوف للسيطرة عليهم واخضاعهم !! نحن اعلنها حرب على الزبائنية اعمالنا هي جزء من مشروع ومفهوم ونهج جديد هدفوا ان نعيش كلنا سوا بكرامه وحرية .

وختم بالقول: اذا كانت السياسة بالقاموس بعض السياسيين بلبنان فن الكذب رح تبقى عنا ثقافة الصدق! من سنين سألو هل بيستمرو؟ اجا الجواب: مستمرون. واليوم يسألوا يهل بستطيعو؟ بقلهن: هدفنا متن متجدد. من اجل لبنان جديد هل نستطيع نعم نستطيع معا" نستطيع."
 

  • شارك الخبر