hit counter script

خاص - ليبانون فايلز

ثريا مونتنغرو تترشح للانتخابات النيابية

الثلاثاء ١٥ آذار ٢٠١٨ - 06:07

  • Aa
  • ع
  • ع
  • ع

نانديتو،
إنه معليش مين أظبط مني يترشح ع الانتخابات! شو جيسكا عازار أو مريم كلينك يلي ما نقبل ترشيحها أحسن؟
فخلص صار بدها فنجان قهوة ومن بعده إعلان ترشح عن متصرفية جبل لبنان!
أما شو برنامجي الانتخابي؟!
• توقيف عنوسة البنات بلبنان. فكل بنت لازم تلبس خرزة زرقاء تبعد عنها صيبة العين وتحرك نبض الشباب! ومين أحلى من شباب الشيخ سامي يلي بدوبو القلب... قلبي الصغير لا يتحمل!
• زيادة الاجور بلبنان! فبدل ما كنا مبارحة نسهر ونكزدر ونفشط بحد أدنى للاجور 675 الف نحن بكرا رح نقدر نسكر ديوناتنا وcredit CARDS كرمال نصير influencers وfashionistas.
• أمل إنه الرجال المجوّزة توقف تطحش ع بنات قد عمر ولادهن ويختفي الكبت الجنسي بلبنان!
بتعرف يا نانديتو إنه شو ما كانت النتيجة، بعرف إنه ما في شي رح يتغير! صحيح في وجوه جديدة وبرامج جديدة بس العقلية بعدها هي هي!
بتعرف إنه شو ما كانت النتيجة، الهجرة رح تزيد، الفقر رح يزيد، القهر والجرايم المخيفة رح تزيد.

بتعرف إنه إذا أنا نزلت عنجد، كنت جبت أعلى حاصل انتخابي وانتخبوني رئيسة الجمهورية، مش لبرنامجي الانتخابي بل لامتدادي الجغرافي وتضاريسي الطبيعية.

  • شارك الخبر