hit counter script
شريط الأحداث

خاص - ليبانون فايلز

ثريا مونتنغرو تكشف تفاصيل الليلة الحمراء!

الأربعاء ١٥ شباط ٢٠١٨ - 06:11

  • Aa
  • ع
  • ع
  • ع

نانديتو،

إجا العيد الوطني، العيد يلي في المحبة بتلي الدني كلها! العالم للحظة بتوقف سبّ وقتل واغتصاب! ارباب العمل بيعطو Bonusهبوصة وبيطلبو من الموظفين يتأخروا تيجو ويفلو بكير! النسوان بتبطل نقّ ونكد وهما تقرا وتتثقف بدل الشوبينغ والشباب ببطل همون يتحمسو كل ما مرقت بسينيه!

هو عيد العشاق، عيد الحب، عيد Valentine! وقتها يا حبيبي، بتصير الدني دبب حمر بتلعي النفس وحق الوردة أغلى من كل حياتي وحياتك وبدق قرض شخصي تتقدر تشتري نص دزينة!

بلا ما ننسى أكيد الآرمات، كل واحدة اكبر من تانية، لسهرات من العمر، سهرات بطلها قاهر قلوب العذارى مغني "وان مان شو"، يلي بتمنى يكون عندي ثقته بحاله مع الراقصة سوسو يلي مفاتنا وتضاريسها بيجو حجم عائلي وللعرض ويلي بتنتهي بليلة حمرا!

مشروب مضروب وأكل تعتير، ناس فوق بعضها والهم الاول والاخير نشر صورة "الحب" على فايسبوك وانستغرام! ونسيو إنه للحب خصوصيته ووقته وقدسيته، نسيو إنه الحب احترام وتصرف وصدق مش مصاري وهدايا مقابل نسكت عن كذبة أو خيانة أو بهدلة!

ليلة حمرا بتبلش بكذبة تتخلص بشب لبناني تقليدي ما بيقبل يتجوز إلا بنت "مش بايس تما غير إمها" وهو عامل "السبعة ودمتها" وبنت لبنانية همها تلاقي العريس اللقطة ومش مشكلة إذا عملت haute coutureتتخبي على عريسها مغامراتها أو تغض النظر عن هفواته وخياناته! معليش بيطعلو قبل الزواج مش عم ياخد شي مني!

ليلة حمرا لكوبلات كان الحب أساس علاقتهم وصار الروتين حاكمهم، بس صورة المجتمع أهم وأبدى! كيف بدي نام وصاحبتي جوزا جايبلا طقم إلماس وأنا وردة! كيف بدو يكون إلي عين اطلع من البيت بلا ما كون سافقا صورة جوزي حاملني او عم ببوسني وافقع #Relationshipgoals...

خلصونا بقا! عيد قايم ع التجارة كبر وزاد من ورا سخافتنا وهبلنا وبدل ما يكون نهار، متل كل بلدان العالم، عنا جمعة كاملة!!

  • شارك الخبر