2018 | 22:06 تشرين الأول 19 الجمعة
باسيل يجري اتصالا هاتفيا بوسام بولس والد كارلوس بولس الفتى اللبناني الذي يمثل لبنان في مسابقة الشطرنج العالمية ويعرض الدعم عبر السفارة اللبنانية في اليونان | مصدر رسمي أميركي: واشنطن توجه اتهاما لروسيا بمحاولة التأثير في الانتخابات التشريعية المقبلة | نقولا صحناوي لـ"المنار": كل شيء يدل ان الاندفاع نحو تشكيل الحكومة جدي وهناك نية واضحة لدى رئيسي الجمهورية والحكومة للانتهاء من التشكيلة | مصادر المستقبل للـ"ال بي سي": الحريري لن يسير بحكومة من دون أي من المكونات الرئيسية ومنها القوات اللبنانية | إصابة 130 فلسطينيا برصاص الجيش الإسرائيلي على حدود غزة | ترامب: بومبيو لم يتسلم أو يطلع أبدا على نص أو تسجيل مصور بشأن حادث القنصلية السعودية | الرياشي من بيت الوسط: البعض يعمل على الاساءة الى جهد الرئيس الحريري والانقلاب على التسوية خصوصاً بعد تزايد نقاط الالتقاء في التشكيل الى حدود حسمها | مصادر بعبدا لـ"الجديد": على الحريري مراعاة نتائج الانتخابات وهو لم يعد يمثل كل السنة لذا عليه اعطاء حقيبة للسنة المستقلين | "او تي في": اتصال بين جعجع والحريري عاد بموجبه الرياشي الى بيت الوسط | "الجديد": رئيس الجمهورية لم يبدي في اي لحظة اي تنازل عن حقيبة العدل وحزب الله وأمل يصران على تمثيل السنة المستقلين | مصادر مطلعة على مواقف عون للـ"ال بي سي": وزارة العدل حُسمت للرئيس عون لان وزارة العدل هي حاجة ماسة لمساعدة الرئيس على مكافحة الفساد | "ام تي في": اذا تفاقمت ازمة تمثيل السنة المستقلين فإن الرئيس عون سيوزر من حصته ممثلا عن السنة المستقلين ويرجح ان يكون النائب فيصل كرامي |

توقعات ثريا مونتنيغرو لعام 2018...

خاص - الثلاثاء 02 كانون الثاني 2018 - 06:11 - ليبانون فايلز

نانديتو،

مش رح افقع ابيخ نكتة بتنقال كل سنة وإنه رح شوفك سنة الجاي، بس يلي رح قلك ياه شوي من توقعاتي لعام 2018! شو ماغي فرح أحسن مني؟!
توقعاتي إنه بدل هبل اللبنانيي يلي بيعيدو NYE-2 و+1 وما بعرف شو، رح يصيرو يعيدوNYE-30! أسلب يبلشو يعيدو قبل شهر! هيك المطاعم بيستفيدوا اكثر من سرقة العالم من ورا صغر عقلهن! ولاو، عيب نسهر بمحل بياخذ اقل من 300$! نحنا كتير كول!
توقعاتي يصير في جمهورية Influencers وبراندز والفرانشي بيبول، يعني رئيسة جمهوريتهاMlle Fashionista ، اللباس الرسمي من عند جارتنا شانيل وإبن عمنا كريستيان، واللغة المعتمدة الفرنسي المكسر! يعني salut cava? Oui et toi.؟ وإلا إنت منبوذ ومش قد المقام تقعد معنا!
توقعاتي زحفنا لقادتنا يزيد وهبلنا يكبر مع الانتخابات! يعني ما كتير نعيش حلم التغيير الكبير، لأنه هنّي هنّي كانوا ورح يبقوا!
توقعاتي إنه ما حدا رح يبقى "ويك أند" بلبنان، لانه السفر صار أرخص وأريح راس! فبشوف عجقة سير خانقة بالمطار، من الجمعة ليلا للاحد ليلا!

توقعاتي تزيد نسبة الولادات بلبنان لسبب بسيط كتير! زيادة عدد الخيانات! يعني يلي كانوا يستحيوا شوي قبل رح يموت هيدا الخجل، خصوصا بشهر شباط!! الحب العابر للقيم الاخلاقية والطاهرة رح يفقّع مع الدببة الحمر يلي بتلعّي النفس والورود المكتوب عليها JE TAIME ، "cliché" اللبناني ونشرها على انستغرام وستيل شوفيلي جوزي قديش بحبني لا شوفي جوزي انا قديش بحبني وبالاخر جوزها بحِبّلا رفيقتا اكترّ!

توقعاتي إنه رح يتم الكشف عن شبكة، هي الاكبر بتاريخ البشرية، من عدد الرجال يلي بيستعملوا الفايسبوك في لبنان تيضهروا ع نسوانن! ومتل العادة، المرأة بتسامح وبتعمل حالها ما شافت شي بس أكيد بشرط يجلبها RANGE ROVER الجديد.
توقعاتي إنه موضة Brunch الكلاس تبع لتلتة النسوان رح تزول وتجي محلها tea time مع زواج الامير هاري! فكل امرأة بتنتع MAKEUP والشعر من عند الارتيست وتيابها من عند designer تتبلبش حفلة البرش! والله يستر من خربان البيوت!

توقعاتي ينقلب السحر ع الساحر! صار لازم يوعوا البنات والشباب بقى لوين رايحين! حلو السهر إيه وحلوة الحياة إيه والثمن! CREDIT CARDS وديون وتجميل، شي بروس شي بلا روس! وبالاخر! كله صار مسموح وكله صار مقبول وبعدين!