hit counter script

خاص - ثريا مونتنغروي

ما طلع رجال!

الخميس ١٥ كانون الأول ٢٠١٧ - 06:01

  • Aa
  • ع
  • ع
  • ع

نانديتو..

فايق شي على أحاديث وجلسات الكبار ووشوشاتن وكيف فجأة بيسكت الكل بس تمرق إنت!

فايق شي عوقت كانو أمياتنا يحكو كيف وحدة طلقت لأنو جوزها ما طلع رجال! كيف يعني منو رجال؟! إنه مثلاً لابس perruqueأو طلع بيبكي ع الأفلام الرومانسية؟!

فايق شي ع وقت كانو أهالينا يحكو وما يسكتوا وفجأة يوطّو صوتن تيقولو حرام معو من هيداك المرض! كأنه إذا لفظوا اسموا رح ينعديو.

فايق شي ع وقت كانو الجيران يجتمعوا ويركبوا مقلة شي بنت وينشروها لان شعرا أحمر أو مقصرا شوي تيابا أو منا ع مسطرتن.. وبالاخر يفقعوا جملة "الله يستر عل البنات"...! بدنا نروق شوي بعتقد! قبل ما نحكي عن شرف الناس والبنات ليش ما منحكي عن charmantettéتبع اللسان ونظافتو!

فايق شي ع وقت كانوا الناس يقولوك عقبالك تحتى بس تتجوز وإنت بالعرس يطجوك وحدة نفرحلك من عريس وبس يشرف ولي العهد يبلشوا نفرحلك من عروس لحديت ما يكبرو الولاد وتبلش تسمع عقبالن! قديش حلو تسألون، كم مرة بيضهر عليك جوزك يا مدام؟ أو حلو textingآخر الليل يا مدام مع واحد قد ابنك بعد صور duck faceع فايسبوك؟

فايق شي ع وقت الناس بتروح ع عرس وما بتترك صورة ما بتصورها وسليفي ما بتاخدها وThe Bride of yearوبالاخر بينزلو نسف بالعروس، قديش الفستان بشع وmakeupكإنها إكلتا بوكس! طيب هني طلعوا بحالهن وشكلن وجسمهن كيف طالعين!

فايق شي ولو مرة الناس رحمت حالا ولسانا وغيرها وعاشت وتركت غيرها يعيش!! قديش كانوا هيني رتاحوا وريحونا وقديش كل الـ"لتّ والعجن" بيرجع لهول الناس!

ملاحظة:ثريا مونتينغرو شخصية وهمية عرفت في المسلسلات المكسيكية المدبلجة في لبنان منذ اعوام وهي ستكتب اسبوعيا عبر موقعنا.

  • شارك الخبر